الطريق من اليأس للحياة “إعاقة”

الطريق من اليأس للأمل
كتير بيكون ناقص مننا حاجات كتير بتأثر على نفسيتنا بتخليتا منستمتعش بالحياة
وبتدعوا للإكتئاب وإنك تكره الحياة وتمشي على مثل
“ما هي خربانة خربانة”
مع إن مفروض إن النقص ده يكون هوالدافع اللي عندك
إنك تعمل حاجة كويسة في حياتك ويكون دافع لنجاحك
زي مثلاً مشكلة ناس كتير وهي الفلوس
كتير بيفقد الأمل في إنه يعرف يعيش بفلوس قليلة مع إنه ممكن مع شوية مثابرة ينجح ويبقى معاه فلوس كتير وتتحل مشاكله
بس لا أنا مش كاتب البوست عشان أتكلم على اللي ناقصه فلوس
أنا كاتبه عشان اللي عنده إعاقة جسمية
المجتمع برة مصر وجوة مصر مش بيساعدهم بالصورة المطلوبة حتى في الدول المتقدمة
بس على الأقل مش بيحقروا منهم ىيتريقوا عليهم وينادوهم بإعاقتهم زي
“يا أعمى ويا أخرس ويا أعرج”
ومش بيقفوا عقبة في طريقهم زي ما بنشوف مثلاً
كل معاق بيتربى في مصر بيبقى كاره للشعب وكاره لنفسه ومستقبله اللي مش موجود
الطريق من اليأس ده لإنك تعلمه حاجة وتبدأ بيه الطريق
لإنه يكتشف نفسه وقدراته الخاصة طويل جداً وصعب
بس يستاهل المحاولة حتى لو هما نسبة أقلية بس بشر وليهم حقوق علينا
أبسطها حسن المعاملة وأصعبها إنك تساوي بينه وبين الصحيح في كل حاجة
وتزرع فيه الأمل في الحياة من جديد وميبقاش عنده إحساس بنقص عن اللي حواليه

ده بوست تاني كنت كاتبه عن تحربة شخصية
http://mohabelhamy.tumblr.com/post/18149263568